“KAZI NZURI NDIYO JIBU SAHIHI LA KUMWEKA JUU MTU YEYOTE, SIO BIFU” – MWANA FA…!!

 

WASANII wengi wa tasnia mbalimbali wanaojihusisha na bifu kwa lengo kukuongeza umaarufuru, mkali asiyepotea ndani muziki wa bongo fleva Mwana FA, ameamua kuweka wazi kuwa muziki bila bifu inawezekana na msanii anayeamini kuwa bifu linamkuza kimuziki anapotea kwani umaarufu unakuja kutokana na kazi nzuri zinazoelimisha na kuburudisha jamii na si vinginevyo.

Wapo wasanii wengi ambao mara zote wamekuwa wakitengeneza bifu kwa madai kuwa wanaongeza umaarufu huku wakisahau kuwa kazi nzuri ndiyo njia inayoweza kukuweka karibu na mashabiki na si malumbano ambayo hayana maana yoyote.

Mtandao wa DarTalk, ulifanya mazungumzo na msanii huyo ili kuzungumzia ishu na imani zinasambaa mtaani kuwa bifu zinachangia kwa kiasi kikubwa kumtangaza msanii, ndipo alipofuguka kuwa kwa upande wake haamini ishu hiyo kwani anachojua kazi nzuri ndiyo jibu sahihi la kumweka juu mtu yeyote.

“Bifu si kitu cha kukipa nafasi katika kazi kwani mara nyingi watu wanapoteza muda kwa sababu ya ishu zisizokuwa na msingi, lakini kwa upande wangu nafanya muziki na sihitaji kupoteza muda kwa sababu ya mtu fulani kwani najua madhara yake ni mengi kama kunichafua na mashabiki wangu naweza kuwaweka njia panda,” alidai.